Gestor de Referencias

Ola a todos! 

Nesta tarefa o meu equipo (Miguel Rodríguez, Álvaro Leira e Marco Ribadulla) e máis eu creamos cun xestor de citas, referencias que nos permitan ser gardadas e almacenadas. Para isto necesitamos buscar un xestor de referencias adecuado e o noso profesor deunos dous a escoller.

Primeiro escollimos Zotero porque parecía máis organizado que o Generador Automático de Citas, instalámolo todos os membros do grupo e empezamos a traballar en grupo. Pero percatámonos rapidamente de que era moi lioso e non se entendía ben como traballar co programa. Así que decidimos cambiar o xestor e probar o Xerador Automático de Citas e indagar nel. Foinos fácil utilizalo pero cando rematabas de crear a referencia non podías gardalo en ningunha parte e isto non nos parecía moi útil para o noso traballo. Finalmente regresamos a Zotero e tras unhas intensas horas conseguimos rematar o traballo.

Zotero é un programa que crea automaticamente citas sen necesidade de ir buscando todas as referencias, cousa que por experiencia é moi cansina. Ahora vouvos pasar a mostrar como se utiliza. Para empezar non tes nin que instalalo se non queres, solo tes que rexistrarte e crear unha conta en Zotero. Cando estas dentro do programa se queres traballar en grupo mándaslle aos teus compañeiros unha invitación para colaborar contigo. Unha vez todo o teu equipo está no grupo colledes as referencias que queredes meter en Zotero e a introducides. Facedes así con todas as citas e o traballo xa estaría rematado.

Elaboración propia con licencia CC-BY

Elaboración propia con licencia CC-BY

Elaboración propia con licencia CC-BY

A min esta ferramenta non me convence moito porque non é fácil de utilizar, pero é a miña opinión e estou de acordo en que con máis tempo seguramente a aprendese a utilizar con maior facilidade. Á hora de traballos de equipo está ben porque é moi simple crear un grupo de traballo.






Título: Zotero
Autor: Screenshot of the Zotero desktop application
Aloxamento: Zotero imaxes
Licencia: CC-BY

Aquí vos deixo un vídeo para complementar a miña información sobre Zotero e que o aprendades a utilizar:

Zotero como usar 

Blogs que me serviron de referencia:
 - Simón Corbelle
 - Lara Fraga

Infografía guía de estilo

Ola a todos!

Hoxe tráiovos ao meu blog unha infografía que pretende establecer unha guía de estilo na que se establezan as normas que debemos seguir para que a comunicación sexa realmente eficaz. En xeral, unha guía de estilo consiste nun conxunto de criterios preestablecidos para o deseño ou a redacción de documentos e a súa edición en páxinas web.

O primeiro que fixemos foi buscar información sobre as normas de comunicación, xa que o noso profesor nos mandou facer unha infografía sobre elas. Na infografía o que fixemos foi poñer algunhas normas das máis importantes e logo resumilas en poucas palabras para sintetizar a presentación e que fose moi visual. As normas de comunicación son importantes para poder entendérmonos con facilidade e rapidez. Se non as usamos, vai ser complicado que a persoa que nos escoita ou le (se é por internet) poda comprender o que lle transmitimos.

Para poder facer unha infografía escollimos Visme e Genially. Non tardamos moito tempo en decidir porque en seguida nos decantamos por Genially dado que xa temos feito traballos o ano pasado con ese programa. Genially é moi bo porque podes facer moitas cousas con el, e unhas das opcións é facer infografías. Para min o detalle máis sorprendente é que non te tes que estar pelexando con vídeos titoriais para embeber o teu traballo no blog porque é moi fácil facelo. De todas maneiras vouvos deixar un vídeo para que se queredes facer un traballo en Genially saibades como embebelo nun blog.




Este traballo está feito cos meus compañeiros de clase:
 - Miguel Rodríguez,
 - Álvaro Leira
 - Marco Ribadulla

Blogs que me serviron de referencia:
 - Simón Corbelle
 - Daniel Valcárcel

Tablero Colaboativo

Ola a todos!

Hoxe tráiovos unha tarefa máis sobre o meu proxecto de empresa o cal xa vos expliquei na miña anterior entrada.

A tarefa trata sobre un taboleiro colaborativo para planificar as tarefas que imos ir facendo durante a primeira avaliación. Déronnos a opción de escoller unha de tres ferramentas para facer esta tarefa, as cales son Trello, Google Keep e Slack. Nós decidimos escoller Trello xa que é unha aplicación que podemos atopar ben explicada en Youtube e de antemán sabíamos que non nós ía dar problemas. As outras dúas ferramentas tamén son boas opcións porque por exemplo Google Keep é fácil de utilizar e Slack, aínda que é complicada de utilizar, o resultado queda mellor ordenado. Trello é moi recomendable para facer táboas con planificacións ou para calquera outra cousa que requira unha estrutura ordenada en columnas ou filas.

Para facer unha boa planificación guiámonos pola anterior tarefa de Planificación e tamén por algunha entrada de compañeiros de anos anteriores (dos que vos deixarei os enlaces na parte de abaixo desta entrada).

O traballo dividímolo en tres bloques: lista de tarefas, traballo feito e en proceso.

1. Lista de tarefas: nesta columna organizamos e puxemos todas as tarefas da primeira avaliación que teñen que ver co proxecto.
2. Traballo feito: aquí escribimos as tarefas que xa están realizadas. Actualmente son só dúas.
3. En proceso: e, por último, nesta columna colocamos as tarefas que aínda non están feitas pero que se executarán nas vindeiras semanas.   

 Unha vez feito isto, só temos que facer unha captura e gardar o traballo.

Como experiencia personal podo dicir que Trello é unha ferramenta sencilla e boa para utilizar con planificación cortas ou de pouca extensión, recoméndoa para usos especiais.

Para realizar o traballo os meus compañeiros de equipo (Miguel Rodríguez, Álvaro Leira e Marco Ribadulla) mediante o whatsapp comunicámonos para facer a tarefa máis rápido e eficaz. Tamén podíamos utilizar Skype ou Discord pero como traballamos en diferentes instantes non puidemos usalas.

Enlace a compañeiros dos anos anteriores:
- Simón Corbelle
- Daniel Valcárcel
- Andrea Fuentes

Elaboración propia

Título: How to use Trello to stay motivated on your side projects
Autor: Bombchelle
Licencia: CC-BY
Alojamiento: Trello imaxes

Planing

Ola a todos!

Este ano, na asignatura de TIC pedíronnos que creásemos unha empresa en Culleredo. Ao meu grupo, formado por Miguel Rodríquez, Álvaro Leira e Marco Rivadulla, e a min ocorréusenos montar unha tenda de tenis de baloncesto en Culleredo xa que por esta zona non hai ningunha e os xogadores da comarca teñen que desprazarse ata Lugo ou Santiago para conseguir unhas boas zapatillas.

Nesta primeira avaliación os traballos que suba ao blog van estar ligados, isto que se relacionarán os uns cos outros e, polo tanto, vai ser importante que leades todas as tarefas na orde nas que as vou ir publicando na etiqueta TIC 1. Aí apareceran todas as tarefas relacionadas coa empresa.

O primeiro que temos que facer para poder poñer a funcionar este negocio é a elaboración da planificación dos distintos pasos e do tempo que nos vai levar, así como a distribución do traballo que terá que desempeñar cada un dos integrantes.

Nesta actividade tardamos máis do esperado porque ao principio iamos facer o traballo en Gantt Project pero cando xa o tiñamos instalado os catro integrantes e empezamos a facer o planing, vimos que non podíamos compartir o traballo e facelo xuntos. Entón decidimos facelo en Drive. Cando xa levábamos un tempo démonos de conta de que nas follas de cálculo de Drive había un apartado que poñía "Planing" e volvimos desfacer todo e volver a empezar nese formato.

Á hora de facer o traballo foi moi importante a comunicación, e para isto puxémonos de acordo en establecer un día da semana para realizar todos o traballo ao mesmo tempo. Para poñernos de acordo creamos un grupo de whatsapp onde debatíamos que era mellor ou peor para o traballo. Tamén para darlle máis dinamismo á actividade falabamos polo chat do grupo de Drive.

                                                                                                Elaboración propia       

                                                                                                 

Por último déixovos outros blogs que me serviron de axuda nesta tarea:
- Simón Corbelle
- Laura Castro
- Andrea Guerra